Klay Thompson a lo kir leh ta!

Thla 31 chhung khup vei lam hliam vanga a chawlh hnuah Klay Thompson-a'n basketball a khel ve leh thei ta. Nimin zing khan Golden State Warriors star hian a team chu Cleveland Cavaliers lakah 96-82 in hnehna a chanpui.

Chase Center, San Francisco-a inkhelah Thompson hi minute 20 chhung a inlan a, point 17 a neih bakah rebound leh assist vawi nga ve ve a nei bawk - Stephen Curry (28 points) leh Andrew Wiggins te nen an inkawp chu a hmuhnawm chho dawn, Draymond Green an la nei bawk.

Kum 31 mi Thompson chuan, "Ka tan chuan theihnghilh ngai tawh loh tur a ni," tiin 2019 hnua a match khelh leh hmasa ber chungchang a sawi a, inkhel ṭan dawnah fans lamin ding chungin an lo lawm nghal a ni.

Western Conference-ah Golden State hi Phoenix Suns nen an inel tawk hle, match 30 chak tawhin ṭum kua ve ve an tlawm tawh thung; NBA regular season kal laia team ṭha leh hmuhnawm pahnih an ni.

Nimin zing inkhel dangah Memphis Grizzlies chuan Los Angeles Lakers 127-119 in an hneh. LeBron James-a point 35 neih chu chakpui nan a tawk zo lo. Brooklyn Nets, Washington Wizards, Denver Nuggets leh Minnesota Timberwolves te pawhin hnehna an chang ve bawk.

NBA - Nimin Results
Cleveland Cavaliers 82 - 96 Golden State Warriors
Minnesota Timberwolves 141 - 123 Houston Rockets
Los Angeles Clippers 106 - 93 Atlanta Hawks
Toronto Raptors 105 - 101 New Orleans Pelicans
Dallas Mavericks 113 - 99 Chicago Bulls
Portland Trail Blazers 103 - 88 Sacramento Kings