Vawiinah third leh final Test India Vs South Africa

Vawiin chawhnu dar 2:00 aṭangin South Africa leh India ten Test match vawi thum an khelh tura hnuhnung ber an khel dawn a, Newlands Cricket Ground, Cape Town-ah series la tur an zawng dawn. Tun dinhmunah 1-1 a an inhnehtawk mek avangin Test match hnuhnung ber hian ngaihven a hlawh.

Cape Town-ah hian India-in record an nei ṭha lo a, Test match vawi nga an khelh tawhah chak an la nei lo - vawi thum chak loin vawi hnih an inhnehtawk. Men in Blue hian South Africa-ah Test series an la la ngai lo a, history siam turin tun hi hun ṭha a ni.

History siam hi a awlsam ṭhin lo. India tan harsatna belhchhah turin third Test an khelhna tur Cape Town hi South Africa-in record an neih ṭhatna ber hmun a ni. Chutihrualin India tana chanchin lawmawm erawh captain Virat Kohli a dam tawh beisei a ni a, Kohli leh India team-in result ṭha hlawhchhuah an tum dawn a ni.