Cavani a cham dawn

Manchester United striker Edinson Cavani chu January transfer-ah a chhuak dawn lo tih manager lailawk Ralf Rangnick-a'n a nemnghet. Nizan khan Man United hian FA Cup-ah Aston Villa an hmachhawn a, result kan hre hman lo.

German manager Rangnick chuan, "Edinson Cavani nen darkar chanve dawn kan inbia a, January-ah a cham ngei tur thu min hrilh. Amahah hian rinna ka nghat ngam a, player naupang zawkte tan entawn tlak a ni," tiin a sawi.

Manchester United hian January 15, Pathianni zan dar 11:00-ah Aston Villa nen bawk league match an khel ang a, January 19, Nilaini zanah Brentford an hmachhawn lehnghal ang.