CYMA Basketball-ah champion thar awm dawn

LBS Suzuki 7th Inter Branch YMA Basketball Tournament-ah nomawi chawi tawh Chanmari (2005, 2006), Saron Veng (2007), Republic Veng (2008), Champhai Vengthlang (2010) leh Tuikual South (2010) an tla kim ta a, kumin inelnaah champion thar an awm dawn. Vawiin hian last 16 khelh zawh a ni ang a, quarterfinal khel tur a hriat kim ang.

Champion lai Tuikual South-in an player pawimawh F. Zodinthara awm lo an tuar a, last 16 match hmasa berah Bungkawn chu 83-78 in an hneh lo. A thiam pariat zinga Bungkawn hruai thleng turin Lalnunpuia Renthlei a khel ṭha hle.

Kum 2008 champion Republic Vengin bul ṭan ṭhain point 20 chuang ten Dawrpui lakah hma hruai mah se Lalrinawma kut kal chu veng hneh loin 80-77 in an inpawh thlaktir.

Champion rinkai Ramthar Veng tan Ramhlun South hneh turin harsatna a awm lo a, 77-52 in hnehn an chang. Match hnuhnung bera Khatla leh Zotlang inkhel result kan hre hman lo.

Vawiin hian Dawrpui Vengthar, Khatla South leh Chawnpui te an inlan dawn a, upset thleng thei bawk mah se Leitan, Vaivakawn leh Kulikawn te lakah rinkai zawk an ni a. Ramhlun North leh Kanan ten bul an ṭan dawn a, an intum tawk tura ngaih a ni.

Last 16 - Hawla Indoor Stadium
Nimin Inkhel Results
Bungkawn 83 - 78 Tuikual South
Dawrpui 80 - 77 Republic Veng
Ramthar Veng 77 - 52 Ramhlun South
Vawiin Inkhel Tur
Ramhlun North 10:00 AM Kanan
Leitan 11:45 AM Dawrpui Vengthar
Khatla South 2:00 PM Vaivakawn
Kulikawn 3:45 PM Chawnpui