Aijal Acers an chak

1st Aijal Club Challerger Tennis League chu Aizawl Tennis Club-ah khelh chhunzawm zel a ni a, vawiin hian match pathum a awm leh ang. Nimin inkhel hmasa berah Aijal Acers chuan Aijal Club Bulls lakah 30-20 in hnehna an chang - inkhel hnuhnung pahnih result kan hre hman lo.

Bulls lam tan tualchhung player ṭha Lalhmachhuana chuan mipa singles-ah Lawmsanga chu 6-1 in a hneh a, Hmachhuana leh Vilasiar Khate te ṭangdun chuan open doubles-ah hnehna an chang bawk. Mahse, Aijal Acers lamin hmeichhe singles, junior singles, 35+ doubles leh mixed doubles-ah hnehna an chan avangin game lak belh khawmah an chungnung zawk.

Aijal Acers hian an match hmasaah hnehna chang zo lo mah se point 45 an nei ve ta a, Aijal Club Bulls-in match hnih khelh aṭangin point 52 an nei thung. Club paruk zinga a sang pahnihin August 15-ah final an khel ang.

Vawiin Inkhel Tur
Aijal Acers 12:00 PM Zarkawt Xenons
K-12 Acers 03:00 PM ATC Love All
Zarkawt Xenons 06:00 PM Aijal Club Bulls