Ronaldo a damlo

FIFA World Cup 2002-a Brazil champion puitu striker Ronaldo chu pneumonia (chuap natna) vangin chawlh hahdama a zinna hmun Ibiza-ah damdawi ina dah luh a ni.

Kum 41 mi Ronaldo hi in intensive care unit (ICU) ah dahluh a ngai a, Can Misses Hospital-ah enkawl a ni. Brazil legend chuan, "Zirtawpni kha ka thlawhchhuah hun ni mah se damlohna vangin ka ṭhul a ṭul a, ngaihtuahawm ka ni lo," tiin a sawi.

Ronaldo hi nimin lam khan damdawi in chhuahsan tura beisei a ni. Real Madrid striker hian a inkhelh hun laiin Barcelona, Inter Milan leh AC Milan tan te pawh a khel tawh ṭhin a, duhsakna hlantu zawng zawng chungah lawmthu a sawi.

Brazil international hlui hian ram tan vawi 62 a khung a, chung zingah chuan 2002 WC final-a Germany an hneh theih nana goal hnih a tel. Ronaldo hian Real tana a khelh laiin La Liga title pahnih a la a, Inter Milan nen UEFA Cup a chawi a, mimal chawimawinaa ngaihsan hlawh ber Ballon d'Or chu 1997 leh 2002 khan a dawng.