Tennis League hmawr bawk hun

Tualchhung tennis inelna lian 1st Aijal Club Challenger Tennis League chu vawiin tlai dar 4:00 hian Aizawl Tennis Club-ah final khelh tur a ni. Inelna hi league hmanga khelh a ni a, nizan lamah league match khelh a la nih avangin he thu buatsaih lai hian nomawi inchuh tur team pahnih a la chiang lo.

Thawhṭanni zan inkhelah Zarkawt Xenons chu K-12 Acers lakah 26-25 in an chak lo a, mahse nimin khan Xenons hi Aijal Acers hmaah 31-22 in an chak leh thung.

League-ah hian team panga - ATC Love All, Aizawl Acers, Zarkawt Xenons, Aijal Club Bulls leh K12 Acers te an inel a, category patuk men's singles, ladies singles, junior singles (Under 18), 35+ doubles, open doubles leh mixed doubles-ah te inelna hi neih ṭhin a ni.

He thu buatsaih lai thleng chuan Zarkawt team hian point 91 hmuin hmahruaitu an ni mek a, an hnungah hian K-12 Acers (75 points) leh Aijal Bulls (53 points) te an awm; nizan inkhel pahnih result kan hre hman lo - an point hmuh zat hi la danglam thei a ni.