Chenna ngai loh ramah Maubawk

LG Independence Cup Women's Football-ah Govt. Maubawk High School chuan champion lai Pachhunga University College hnehin an champion. Nimin tlai hmeichhe final-ah hian hun pangngaiah goal a lut lo a, penalty shootout-ah Maubawk hian 3-1 in hnehna an chang.

Maubawk High School hian group stage paltlang turin Hrangbana College leh New Horizon School te chu 1-0 ve ve in an hneh a, Lalbiakdiki goal khung ve ve a ni. Semifinal-ah Govt Aizawl College nen inhmachhawnin hun pangngaiah 1-1 in an inhnehtawk a, Biakdiki bawkin goal a khung. Final khel tur zawn nan penalty pet a ngai a, Maubawk 3-0 in an chak.

Penalty shootout-ah Maubawkin an pet hmasa a, Elizabeth Vanlalmawii'n a pet goal nghal a, Lallungmuani leh C. Lalmuanawmi'n ten pet goal lo mah se a hnuhnung pahniha pet Lalduhawmi leh Lalrinnungi ten an pet goal. PUC tan Lalnunmawii'n a pet goal lo nghal a, Zairemmawii'n a pet goal nachungin Lalthansangi leh Ramnghakthlengi'n ten an khung lo chhunzawm. Champion lai hian penalty-a goal dinhmun an chhutsual a, panganaah an star player Grace Lamrampari rawn pen chhuak mah se an chak theih tawh loh avangin referee-in ham rik ham ṭha lehin Maubawk an champion.

Champion tawh te
Kum Champion Runner Up
2014 FC Bethlehem College Veng FC
2015 Aizawl FC FC Bethlehem
2016 Aizawl FC Champhai FC
2017 Hrangbana College Pachhunga Univ College
2018 Maubawk High School Pachhunga Univ College

Champion Kalkawng - Maubawk HS
Group Stage
August 6, Thawhtanni
Maubawk High School 1 – 0 Hrangbana College
MHS : Lalbiakdiki 90+1' (P)
August 9, Ningani
Maubawk High School 1 – 0 New Horizon School
MHS : Lalbiakdiki 50'
SemiFinal
August 11, Inrinni
Govt Aizawl College 1 – 1 Maubawk High School
GAC : Lalhlupuii 56'
GMHS : Lalbiakdiki 68'
Penalty Shootout-ah Govt Maubawk HS chu 3-0 in an hneh
Final
August 15, Nilaini
Maubawk High School 0 – 0 Pachhunga Univ College
Penalty Shootout-ah Maubawk High School 3-1 in an chak