Goal mawi zingah Ronaldo pet goal

Europe football thuneitu sang ber UEFA chuan season hman zawh taka European football-a goal mawi ber a thlang dawn a, Real Madrid forward a nih laia Cristiano Ronaldo-a'n tuna a khelhna Juventus lama a overhead kick chu thlanchhuah zingah a tel.

Kum 33 mi forward-in he goal a khung khan Juventus Stadium-ah fan-te chuan a mawi em avangin ding chungin an zahna an lantir hial a, tunah erawh an lama goal mawi khungtu hi an player a ni tawh.

UEFA Technical Observers chuan goal mawi ber dinhmun luah thei tur hian goal 11 ngawt a chhawp chhuak a, heng goal-te hi UEFA hriatpuina hnuaia inelnaa khungte an ni.

Europe-a goal khung mawi ber hi fan-te tan pawh thlan theih tur a ni dawn , UEFA.com lamah August 27 thleng vote thlak theih a ni ang–Europe-a goal mawi ber hi tu tan pawh thlan theih a ni.

Nominee te chu

Lucy Bronze (LYON 1-0 Manchester City)

Women's Champions League semi-finals, 29/04/18

English defender hian Lyon tan mawi zetin City lamah a volley lut.

Olga Carmona (Switzerland 0-2 SPAIN)

European Women's Under-19 Championship group stage, 21/07/18

Spanish tleirawl duhawm hian ṭha zeta ball a lakluh hnuah ding lam kilah mawi zetin a pet lut.

Elisandro (Sporting CP 2-5 INTER FS)

UEFA Futsal Cup final, 22/04/18

Elisandro hian Futsal final-ah Inter tan a tharum ngahna leh finishing tawihna chhawr ṭangkaiin mawi zetin a pet lut.

Elliot Embleton (Turkey 2-3 ENGLAND)

UEFA European Under-19 Championship group stage, 17/07/18

Kum 19 mi Sunderland midfielder hian Turkey lamah box pawn aṭangin mawi zetin a pet lut–player hmabak nei êng tak a ni.

Christian Eriksen (Republic of Ireland 1-5 DENMARK)

European Qualifiers play-offs, 14/11/17

Counter attack aṭanga ball kal chu Eriksen hian goal-ah a chantir a, a 'class' san zia pholanna goal a ni.

Paulo Estrela (PORTO 5 -1 Besiktas)

UEFA Youth League group stage, 13/09/17

Pass mawi zet, thluak chakna leh rem hriatna he goal-ah hian hmuh tur a awm.

Eva Navarro (Germany 0-2 SPAIN)

European Women's Under-17 Championship final, 21/05/18

Mawi zeta defender bum kual hnua goal ṭha bik a ni.

Dimitri Payet (MARSEILLE 5-2 Leipzig)

UEFA Europa League quarter-finals, 12/04/18

Premier League-a kan hmuh ṭhin Payet kha hmuhtirin kan awm a, mawi zeta a ke hmanga defender a bum hnuah a aia mawi lehzualin a pet goal.

Gonçalo Ramos (Slovenia 0-4 PORTUGAL)

UEFA European Under-17 C'ship group stage, 07/05/18

Team goal tia chhiar theih a ni a, Ramos hian mawi zeta a hmawr bawkin a kheng lut.

Ricardinho (PORTUGAL 4-1 Romania)

UEFA Futsal EURO group stage, 31/01/18

Mawi zeta 'one-touch turn' a neih hnuah 'rabona' finishing an tih hmangin a pet lut.

Cristiano Ronaldo (Juventus 0-3 REAL MADRID)

UEFA Champions League quarter-finals, 03/04/18

Ronaldo class sanzia pholanna goal a ni a, sang taka invawrh chungin Portuguese forward hian goal-ah a chantir.

*Hawrawppuia ziah team zawk zel hi pet goal tu player-te khelhna an ni.