VAR-in Aston Villa leh Gerrard te a vel

Aston Villa-in Danny Ings hmanga an goal khung pawm se Manchester United-in FA Cup fourth round an thleng kher ang em tih zawhna hi chhan a har hle. VAR thutluknain inkhel result tih danglam chang a nei a, Villa leh United inkhelah pawh nghawng a nei hlian hle.

Minute 50-naah John McGinn-a freekick pet chu Ezri Konsa-a'n tauh letin Danny Ings-a'n goal-ah a chantir. Aston Villa goal khungah offside an awm nia a lan avangin an enlet a, Konsa leh Ings te offside lo mah se goal-ah pawm a ni lo.

England international hlui Gary Linekar chuan, "VAR inrawlh dan hriatthiam a har. Goal pawm loh dan an zawng ni ber te pawhin a lang," tiin twitter kaltlangin goal an hnawl dan a sawisel.

Aston Villa manager Steven Gerrard pawh a lawm lo. Liverpool legend chuan, "VAR en let nan hian hun engzat nge awm? Official khan thutlukna siam turin minute thum leh a chanve an mamawh. Thil thleng pahnih pathum kha an bihchiang a ni. Chutihrualin VAR thutlukna chu kan pawm mai a ṭul. Kan vanduai a tih theih a, official a dem theih bawk. Keini erawhin chhuan lam kan siam dawn lo," tiin a sawi.

VAR hmanga Aston Villa goal pawm a nih loh chhana lang ta chu, offside position-a awm Villa midfielder Jacob Ramsey chuan Edinson Cavani tlanna tur dangin a foul a, Uruguayan forward player ven Konsa-a'n nuam sa takin Ings a khung tur a siam theih phah. Ramsey-a'n Cavani laka foul vangin goal hi pawm loah a ngaih theih a ni.

Aston Villa-in January 15, Inrinni zan dar 11:00 hian an mualah Manchester United an mikhual dawn a, Steven Gerrard leh a hote tan phuba lakna remchang a ni thei ang.

FA Cup - 4th Round
Crystal Palace vs Hartlepool United
AFC Bournemouth vs Boreham Wood
Huddersfield Town vs Barnsley
Peterborough United vs Queens Park Rangers
Cambridge United vs Luton Town
Southampton vs Coventry City
Chelsea vs Plymouth Argyle
Everton vs Brentford
Kidderminster Harriers vs West Ham United
Manchester United vs Middlesbrough
Tottenham Hotspur vs Brighton & Hove Albion
Liverpool vs Cardiff City
Stoke City vs Wigan Athletic
Nottingham Forest vs Leicester City
Manchester City vs Fulham
Wolverhampton Wanderers vs Norwich City
Note : February 4-9, 2021 hian 4th Round hi khelh a ni ang.