Turkey international hlui Calik a thi

Turkey international defender Ahmet Calik chu nimin khan accident vangin a thi a, amah hi kum 27 mi a ni.

Turkish FA chuan, "Konyaspor player Ahmet Calik thih thu kan hriat hian pawi kan ti hle. Amah hi national team tan pawh a khel tawh a, a thih chhan hi traffic accident vang a ni," tiin thuchhuah an siam.

Turkish defender Calik hian kum 2013 khan UEFA U19 C'ship leh FIFA U20 World Cup-ah Turkey tan a inlan a, senior team tan pawh vawi riat inlan hmanin Euro 2016 squad-ah khan a tel.

Calik hi Turkish club Genclerbirligi aṭanga bul ṭanin kum 2017 khan an ram club ṭha Galatasaray a zawm a, kum 2020 aṭanga a thih thlengin Konyaspor tan a khel a ni.