Kevin de Bruyne a inhliam

Manchester City midfielder pawimawh Kevin de Bruyne chuan a khup dinglamah hliam a tuar a, Nilaini khan club training-naah a chesual.

City chuan thuchhuah siam nghalin an midfielder hliam nat dan leh a chawlh hun chhung tur an la hriat theih loh thu an sawi a, he thuziak i chhiar meuh chuan a chiang tawh hial mai thei bawk.

KDB hian kum 2016 khan tuna a hliam neihna, a khup dinglamah tho hian hliam a lo tuar tawh a, League Cup semifinal 2016-a Everton an hnehna inkhela a hliam avang hian kar sawm ngawt a chawlh a ngaih phah.

Kum 27 mi midfielder hi season hman zawh takah khan City Player of the season-ah thlan a ni a, Premier League leh League Cup an champion nan a thawhhlawk hle - goal 12 khungin assist vawi 21 a nei.

City hian Premier League-a an match hmasa berah 2-0 in Arsenal an hneh a, Pathianni zan dar 6:00 hian an match hnihna khelin Huddersfield an mikhual ang.