Subasic a chawl ta

Croatia goalkeeper Danijel Subasic chuan ram tana inkhelh a chawlhsan thu a puang ve leh ta a, World Cup final khel Croatia team aṭangin international football mangṭhatu player pathumna chiah a ni.

Kum 33 mi Subasic hma hian defender Vedran Corluka leh striker Mario Mandzukic te pawhin an chawlh thu an puang tawh. Subasic chuan, "Kum 10 chhung ka jersey duh ber ka hak hnuah ka tan chawlh a hun ve ta," a ti.

Ram tana match 44 kheltu Subasic hian European championship 2012 leh 2016 bakah World Cup 2014 leh 2018 khan ram aiawhin a inlan a, Russia World Cup kha an thlen san ber a ni.

2018 World Cup-ah khan Denmark nen an inhmachhawn ṭumin penalty vawi thum ngawt a dang a, an ram hi final hruai thleng hial mah se France lakah 4-2 in an chak lo - champion zo lo mah se an thlen chin hi an ram thlen san ber a ni tho.