Tlai dar 3-ah COE Vs Aizawl Grassroots Centre

18th August, 2018

Mizoram Football Association leh Tata Trusts buatsaih Mizoram Under 15 League chu vawiin hian Rajiv Gandhi Stadium-ah khelh chhunzawm a ni dawn. Round hmasa pahnih hian khelh zawh a ni tawh a, vawiin tlai dar 3:00-a inhmachhawn tur Tata Trusts COE leh Aizawl Grassroots Centre te hi match hmasa pahniha chak awmchhun an ni.

Team ṭha pahnih

Aizawl Grassroots Centre hian match hmasa berah Bawngkawn GSA 4-0 in an sawp a, 1-0 in Aizawl FC Academy an hneh leh bawk. MFA hnuaia football zirna Grassroots hi team ṭha ber tura ngaih Tata Trusts COE elpui pha ber tura ngaih an ni.

COE hian team ṭha an ni tih nemnghetin Kanan FC chu 6-0 a hnehin bul an ṭan a, Bawngkawn GSA chu 7-1 zetin an sawp leh bawk. British coach Colm Toal hnuaia khel COE tan vawiin hi fiahna ṭha tak a ni thei ang.

Inkhel dang

FC Stonzz-in M28 Academy an hneh hnuah anmahni ang bawka point thum hmu Chanmari FC nen dar 9:00-ah an inkhel dawn.

Match hnihnaah Aizawl FC Academy leh M28 Academy, Republic Veng te an inkhel dawn a, an match hnuhnung bera an chak loh ve ve avangin an inkhel tur hi a pawimawh ang.

Match thumnaah Kanan FC leh Competitors for Christ te an inkhel dawn a, COC hian point an la hmu lo. Chawhnu dar 1:30-ah Bungkawn GSA leh Sihphir Venghlun FC te an inkhel chhunzawm dawn a, hnehna la chang lo team pahnih tan dinhmun siam ṭhatna a nih rualin chak lo tan erawh table hnuai lam chhuansan a harsa ang.

Vawiin Inkhel Tur
FC Stonzz, Armed Veng 9:00 AM Chanmari FC
Aizawl FC Academy 10:30 AM M28 Academy,
Republic Veng
Competitor for Christ 12:00 PM Kanan FC
Bungkawn GSA 1:30 PM Sihphir Venghlun FC
Aizawl Grassroots Centre 3:00 PM Tata Trusts COE

# Team Pld W D L GF GA GD Pts
1 TataTrusts COE 2 2 0 0 13 1 12 6
2 Aizawl Grassroot Centre 2 2 0 0 5 0 5 6
3 Chanmari FC 2 1 1 0 4 0 4 4
4 M28, Republic Veng 2 1 0 1 9 2 7 3
5 Aizawl FC Academy 2 1 0 1 3 3 0 3
6 Kanan FC 2 1 0 1 3 7 -4 3
7 FC Stonzz 2 1 0 1 4 4 0 3
8 Sihphir Venghlun FC 2 0 1 1 1 3 -2 1
9 Bawngkawn GSA 2 0 0 2 1 11 -10 0
10 Competitors for Christ 2 0 0 2 0 12 -12 0