Alonso thlak tur Sainz

Formula 1 team Mc­Laren chuan season thar aṭangin Carlos Sainz chu an driver a nih tur thu an puang a, Sainz hian season engemaw zat cham turin contract a ziak a, tun season tawp ruala chawl tur Fernando Alonso hmun ruak a luah ang.

Car intlanisakna sang ber Formula 1-a vawi hnih champion tawh Alonso hian August 14, Thawhlehni khan tun season tawpah a chawlh tur thu hi a sawi chiang a, ni thum hnu lekah amah thlak tur an puang zui nghal.

Kum 23 mi Sainz hi tunah chuan Red Bull aṭangin Renault-ah loan hmangin a kal mek a, "McLarem team zawm chu duhthusam thleng dik a ni," tiin a Spanish hnampui Alonso a thlak tur chu a lawmthu a sawi.