Barcelona rawlthar leh Villa indawr

Premier League club Aston Villa chuan Barcelona rawlthar Louie Barry lakluh tumin an dawr a, he thuziak i chhiar meuh chuan an inlalut fel tawh hial mai thei. 

Kum 16 mi striker hian July 2019 khan Barca hi a zawm a, a hunlai hian Catalan club chuan, "English football-a rawlthar player duhawm ber pawl a ni," tiin an player hi an fak. West Bromwich Albion-a kum 10 lo awm tawh Barry hi Barca a pan hma hian Baggies hian professional contract an zawrh a, mahse Catalan club zawm a duh avangin contract a hnawl. 

Baggies hian an rawlthar chherchhuah chet danah hian dan hremi te an dawr mek a, zângnadawmna an dawn tur £235,000 pawh FIFA-ah an thlen chungin an la dawng lo. 

Villa hian England Under 17 striker hi an lalut thei a nih chuan pound maktaduai thum bawr vela an lei rin a ni.