Khedira-a'n ram tan khel chhunzawm dawn

World Cup an khelh ṭhat loh avangin Germany player tam tak chu an hun a liam tawhah ngaih a ni a, heng zingah hian Sami Khedira pawh a tel. Mahse, Juventus mid­fielder hian ram tana khelh chhunzawm zel a tum thu a sawi chiang.

Kum 31 mi Khedira chuan, "Juventus tan season hmasa khan goal kua khungin hun duhawm ka hmang, mahse World Cup-ah khan match hnih ṭha lo takin ka khel a ni. Kan laka sawiselna awm hi ka hria a, insiamṭhat tumin hma kan la ang.

"Ram tan kei aia ṭha zawk khel tur an awm a nih chuan ka ken a hun tihna a ni a, chutiang ni loa khel chhunzawm tura min duh a nih chuan ka tan chuan a lawmawm khawp ang, ram jersey hak hi chu engtiklai pawhin a hluin a ropui a ni," tiin a sawi.

Germany midfielder Toni Kroos pawhin Khedira ang thoin a khelh chhunzawm tur thu a sawi a, hetih lai hian Arsenal midfielder Mesut Ozil erawhin a chawlh thu a sawi tawh thung.