Bayern Munich chiahin hlawkna an nei

Season liam ta khan European league sang pariat champion zingah Bayern Munich chiahin hlawkna an nei a, Europe club-te sum dinhmun thlir hian Covid-19 nghawng neih lian zia a lang.

KPMG Football Benchmark chuan Europe-a inelna sang pariata champion England, Spain, Germany, Italy, France, the Netherlands, Turkey leh Portugal te sum dinhmun zir chianna an nei.

Bavarians hian chhiah pek hnuin 2020-21 season khan euro maktaduai 1.8 an hlep pha. Serie A champion Inter Milan erawh euro maktaduai 245.6 ngawt an hloh a, Italian football history-a club sum hloh hnem ber an ni.

Spanish champion Atletico Madrid pawhin sum an hloh tam. 2019-20 khan euro maktaduai 1.8 an hloh a, season liam ta khan euro maktaduai 111.7 ngawt an hloh.

Manchester City pawhin sum hloh ve tho mah se sum lalut hniam ber an ni thung a, euro maktaduai 644 zet an lalut. English champion-in sum an lakluh tam chhan hi Champions Leasgue final an thlen avang leh TV-a pekchhuahna aṭanga an sum hmuh pun vang a ni.

Pep Guardiola hote chiah hi 2019-20 season aia season liam taa sum hmang tam an ni a, player lakluh nan euro maktaduai 294 sengin Europe club zinga player hlawh pe tam ber zinga mi an ni bawk.