Atletico-in Trippier thlakna tur melh

Newcastle United laka Kieran Trippier chântu Atletico Madrid chuan English defender thlakna tur an zawng mek a, Danish midfielder Daniel Wass chu hming langsar ber a ni.

England international Trippier hian pound maktaduai 12-in Newcastle United a zawm a, Atletico-in Wass an beisei zui. Kum 2018-a Valencia zawmtu Wass hian Celta Vigo-ah pawh a lo khel tawh a, La Liga a hrechiang.

Midfielder ni mah se full back ang pawhin chhawr theih a ni a, midfield lai leh tlarhma nawr tur pawhin chhawr theih a ni bawk - hei tak hi Diego Simeone-a'n a duhna niin a lang.

Atletico hian Chelsea captain Cesar Azpilicueta, Arsenal right back Cédric Soares leh Wolverhampton Wanderers right back Nelson Semedo pawh an enthla mek nia sawi a ni a, an hma lak zel dan tur hriat a châkawm hle.

Diego Simeone-a enkawl team Atletico hi Spanish Super Cup semifinal khel turin Saudi Arabia-ah an thang mek a, zanin dar 12:30 hian Athletic Bilbao nen final luh an inchuh ang.