Suns chak laiin Warriors chak lo

NBA regular season kal laia team hmuhnawm pahnih chu Phoenix Suns leh Golden State Warriors te an ni a, an in um tawk takzet. Nimin zing inkhelah erawh Suns an chak laiin Warriors an tlawm thung.

Western Conference hmahruaitu Suns hian Toronto Raptors chu 99-95 in an hneh, season kal laia vawi 31 an chakna niin hma an hruai chhunzawm zel. Inrinni zingah Indiana Pacers an hmachhawn leh nghal dawn a ni.

Inkhel dangah Golden State Warriors tan Stephen Curry leh Klay Thompson te inlan mah se Memphis Grizzlies chu 116-108 in an hneh lo. Grizzlies tan point 29 neitu Ja Morant bakah player dang panga ngawtin point 10 chuang an nei thei a, huaisen takin an chak.

NBA - Nimin Results
Oklahoma City Thunder 118 - 122 Washington Wizards
Detroit Pistons 87 - 133 Chicago Bulls
Phoenix Suns 99 - 95 Toronto Raptors
Denver Nuggets 85 - 87 Los Angeles Lakers
Golden State Warriors 108 - 116 Memphis Grizzlies
Minnesota Timberwolves 125 - 128 New Orleans Pelicans