Milan-in defender an zawng

AC Milan-in Serie A match 21 an khelh tawh aṭangin point 48 an hmu a, pahnihnaah awmin hmahruaitu Inter Milan point khat chauha an phak loh avangin nomawi an la beisei zel.

Milan hian tun season-ah goal 23 an chhuah tawh a, an chunga awm Inter leh an hnuai chiaha awm Napoli ten goal 16 leh 15 te chauh an la chhuah. Stefano Pioli hote hian tlarhnung thuam chak tumin centre back an zawng mek.

Italian club hian an lak tum la tichiang lo mah se Manchester United-a khelhna hmun chang pha lo defender Eric Bailly chu an biak hmasak tur niin sawi a awm a, Ivorian defender hi AFCON khelin Cameroon-ah a awm mek.

Kum 27 mi Bailly hi tun season-ah match sarih chiah a la inlan a, khelhna hmun a chan theihna tur Milan pana Old Trafford a zawm a nih pawhin a mak lo ang. Italian club hian PSG defender Abdou Diallo chu loan-a an la thei a nih chuan Senegal international defender hi an la zawk thei bawk.