Spurs leh Lingard an inbia

Manchester United leh England midfielder Jesse Lingard aiawhte leh Tottenham Hotspur chuan indawrna an nei a, kum 29 mi midfielder hi tun season tawp ruala a contract a tawp dawn avangin a duh ang club a dawr thei tawh.

Lingard hian Man United-ah khelhna hmun a chang pha meuh lo a, season liam ta khan West Ham United-ah loan hmanga kalin league match 16-ah goal kua a khung.

Hammers tana a chet ṭhat avangin Lingard duhtu club an pung sawt a, Man United-in chelh chhunzawm mah se tun season Premier League-ah bul a la ṭan lo.

Ralf Rangnick hnuaiah pawh Lingard hian khelhna hmun a chang meuh lo a, FA Cup-a Aston Villa an khelh ṭum khan minute 86-naah Bruno Fernandes a thlak.

Khawthlang media rintlakte tarlan danin Lingard hian January transfer-ah Old Trafford hi chhuahsan tumna a nei lo. Lingard hi nipui bazarah 'free agent' a nih dawn avangin a hlawh a tam phah thei ang a, Man United erawhin sum ṭhahnem tak an hlohah a ngaih theih ang.