Bournemouth dinhmun a ṭha lo

Nilaini zan Premier League inkhelah Newcastle United-in Vitality Stadium an luhchhuah a, Bournemouth 4-1 in an sawp. Cherries hi table-ah 19-naah an awm chhunzawm zel a, Eddie Howe hote aia dinhmun chhe zawk chu Norwich City te chiah an ni. 

Newcastle United-in minute ngana lekah Dwight Gayle hmangin hma an hruai a; Sean Longstaff, Miguel Almiron leh Valentino Lazaro te hmangin an khung belh zui. Bournemouth tan Dan Gosling-a'n injury time-ah goal khat a khung ve a, a pawi tur ang erawh a pawi pha vek tawh.

Bournemouth boss Eddie Howe chuan, "Kan dinhmun hi keimahni ngeiin kan tichhe tel ve a ni. Tihsual ho lam tak tak kan nei a, inrintawkna kan tlachham," tiin an khel ṭha lo tih a pawm. Newcastle erawhin point 42 an hmuh tak avangin relegate a hlauhawm tawh lo a, Europa League khel turin beiseina thar an nei tawh zawk.