West Brom-in Leeds an hnaih

Championship-ah West Brom-in Nilaini zan khan Sheffield Wednesday 3-0 in an hneh a, match ruk khelh hmabakah pakhatna Leeds United an phak lohna chu point khat chauh a ni.

Hillsborough Sta-dium-ah Baggies-in Charlie Austin penalty hmangin hma an hruai a, second half-ah Matheus Pereira-a'n goal hnih a khung belh. Baggies hian Pathianni zanah relegation zone-a awm Hull City an hma-

chhawn ang.

West Brom coach Slaven Bilic chuan, "Kan khelh danah ka lawm hle. Tute pawhin an theihna zawng zawng an chhuah a, pressure a san avangin chesual thei ni mah ila tumah an talbuai lo. Tunah chuan West Brom tak tak kan hmu leh ta," tiin champion chunga Premier League khelh a beisei thu a sawi.

Nottingham Forest pawhin palina dinhmun luah turin Bristol City 1-0 in an hneh a, goal awmchhun hi minute 62-naa Tiago Silva khung a ni. Championship aṭangin a sang pahnih hi Premier League khel nghal tur an ni a, Leeds United (75 pts) leh West Brom (74 pts) te dinhmun a ṭha rih a, chutihrualin Brentford (69), Nottingham Forest (67) leh Fulham (67) te hi dah bo nghawt a la theih loh.

Inkhel dangah Wayne Rooney freekick mawi zet hmangin Derby County-in Preston North End 1-0 in an hneh a, playoff khel turin beiseina an nei zel. Rams hian point 60 an hmu a, playoff khel pha china awm Cardiff City chu point khat chauhin an pha lo.

July 1, Nilaini

AFC Bournemouth    1 - 4    Newcastle United

BOU : Dan Gosling 90+4'

NEW : Dwight Gayle 5'; Sean Longstaff 30'; Miguel Almiron 57'; 

   Valentino Lazaro 77'

Arsenal    4 - 0    Norwich City

ARS : Pierre-Emerick Aubayemang 33', 67'; Granit Xhaka 37';

   Cedric Soares 81'

Everton    2 - 1    Leicester City

EVE : Richardlison 10'; Gylfi Sigurdsson 16' (P)

LEI : Kelechi Ilheanacho 51'

West Ham United    3  - 2    Chelsea

WHU : Tomas Soucek 45+2'; Michail Antonio 51'; 

   AndriyYarmolenko 89'

CHE : Willian 42' (P), 72'