Djokovic-a'n pawisa a thawh

Tennis world number 1 Novak Djokovic chuan Serbia rama Covid-19 kaite enkawl nan $45 000 (Rs nuai 33) a thawh; Djokovic hi tun dinhmunah coronavirus vanga enkawl zingah a tel a, natna erawh a nei lem lo.

ATP leh WTA hnuaia inelna a awm loh laiin Djokovic leh a ṭhian ten Adria Tour an buatsaih, tournament khel player pali bakah mi ṭhenkhat chuan hripui hi an kai phah - an zingah hian Djokovic te nupa bakah a coach pawh a tel.

Djokovic hian dem a hlawh a, chutihrualin an ram Serbia-ah chuan hri kai an tlem a, inkharkhipna pawh kalpui a nih ve lem loh avangin ṭhenkhat chuan an hrethiam hle thung; ngaihdan pahnih a awm.

Grand Slam vawi 17 champion tawh Djokovic hian hri kai an awm tih a hriat tirha a sawi lawk ang ngeiin a enkawl nan pawisa hi a thawh, hri a len tirh lam khan an ram bakah Italy ṭanpui nan pawisa a lo pe tawh bawk. Mipui lakah an thil tihsual vangin ngaihdam dilna a lo ti chhuak tawh bawk a ni.