North Macedonia chakna Goran Pandev

North Macedonia chuan Boris Paichadze Dinamo Arena-ah mual neitu Georgia 1-0 in an hneh a, Euro 2020 khel turin an inpettling.

Goal awmchhun hi kum 37 mi Goran Pandev a khung a ni a, North Macedonia-in inelna lian tham an khelhna hmasa ber tur a ni ang. Pandev hian ram tan goal 36 a khungna a ni a, North Macedonia tana goal khung tam ber record chelhtu a ni bawk. 

Inter Milan, Lazio leh Napoli forward hlui Pandev chuan, "Mumang ram a thleng dik a, kan hlimin kan lawm em em a ni. Hetiang pressure sang hi ka lo tawng fo tawh a, halftime-ah ka naute chu thlamuang taka khel turin ka hrilh a ni," tiin mittui nen a lawm thu a sawi.

North Macedonia hi Yugoslavia aṭanga indang an ni a, FIFA leh UEFA hnuaiah kum 26 liam ta khan an inziaklut ve chauh. FIFA ranking-ah North Macedonia hi 65-na a ni a, Euro 2020-naah Finland nen an vawi khat inlanna tur a ni ang.