Mizoram Lockdown (inkharkhip) Ni 103

Italian striker ropui Francesco Totti khan a career chhung zawngin AS Roma-ah a hun a hmang zo a, Serie A club tan hian European football-ah match 103 khelhsakin goal 38 a khung. 

Totti hian kum 1992 khan Roma tan a season hmasa ber a hmang a, 2016-17 season-ah khan player a nihna anga a career chu a mangṭha. Season 25 chhungin league-ah match 619 khelin goal 250 a khung a, inelna hrang hrangah match 786 khel hmanin goal 307 a khung thung. 

Roma tan Serie A (1), Coppa Italia (2) leh Supercoppa Italiana (2) nomawi a chawi tih loh chu nomawi dang chhuan tur a nei lo a, kum 2006 khan Italy tan football khawvela ngaihhlut hlawh ber World Cup nomawi a chawi thung. 

Italian club tana mimal anga season a hman ṭhat ber chu 2006-07 kha a ni a, inelna hrang hrangah match 50 khelin goal 32 a khung. Italy tan vawi 58 inlana goal kua khungtu hi Serie A Footballer of the Year-ah 2000 leh 2003-ah thlan a ni a, FIFA World Cup All-Star Team 2006-ah a lang bawk.