Fury leh Wilder a chiang ta

British boxer rothap Tyson Fury chuan awlsam taka Francesco Pianeta a hneh hnu lawkah a hmachhawn tur boxer a chiang a, Fury hmaa ding tur hi Deontay Wilder a ni.

Fury-a'n hnehna a chan hnu lawkah Wilder hi ring chhungah a lut a, "A thleng dawn ta," tiin British boxer nena an inhmachhawn tur thu hi a tichiang a, a hun erawh a la chiang lo. Fury-a promoter Frank Warren chuan tun karah kimchang zawka engkim an puanzar tur thu a sawi.

Fury chuan, "Thil chiang tak a awm. Chu chu Las Vegas-a kan inhmachhawn hunah i career-a a vawi khat nan ka knockout dawn che tih hi a ni," tiin WBC world heavyweight champion Deontay Wilder a cho hle.

Hetihlai hian Wilder chuan,"He WBC belt hi a mumangah ringawt a hmu a nih pawhin ngaihdam min dil rawh se," tiin Fury a chhang a, WBC kawnghren chu a ta a nih reng tur thu a sawi.