COE leh Grassroots Centre inhnehtawk

Mizoram Under 15 League Round 3 chu Inrinni khan Rajiv Gandhi Stadium, Mualpuiah khelh chhunzawm a ni a. Tata Trusts COE leh Aizawl Grassroots Centre te chu 2-2 in an inhnehtawk a, Mizoram chhunga academy changtlung ber lawr lak hi a suttu zawk an ni.

Kum 15 hnuai lam tana inelna hi MFA leh Tata Trusts buatsaih a ni a, naupang school chawlh apiangin RG Stadium-ah khelh ṭhin a ni a, team 10 te hi vawi hnih ṭheuh an inkhelh chhuah dawn avangin Mizo naupangten nasa takin football-ah hma an sawn phah ang.

Inrinni inkhelah hian Chanmari FC chuan Samuel Vanlalhriatzuala hattrick hmangin Armed Veng club FC Stonzz chu 3-0 in an hneh a, Aizawl FC Academy-in Ayush dev Chhetri-a goal mawi leh Lalthanpuia goal hnih hmangin 3-0 bawkin M28 Football Academy an hneh ve bawk.

Competitors for Christ-in goal an la khung lo a, point an la hmu lo chhunzawm zel. Kanan FC chuan COC chu 5-0 in an hneh. Chak hmel la hmu lo pahnih inkhelah Sihphir Venghlun FC an ding chang a, Bawngkawn GSA chu minute 70-naa Vanlaldinsanga goal hmangin 3-2 in a hneh hram.

Match tawp berah Grassroot Centre leh Tata Trusts COE te an inkhel a, Colm Toal-a hoten fiahna hmasa ber an paltlang thei lo. Grassroot Centre-in Francis Vanlaldika leh Lalhruaitluanga te hmangin ṭum hnih hma an hruai a, COE-in Lalruatmawia leh Samuel Lawmsiamkima te hmangin an sut ve ve.

Mizoram Under 15 League
Round 3 - August 18, Inrinni
FC Stonzz 0 - 3 Chanmari FC
CFC : Samuel Vanlalhriatzuala 12', 23', 65
Aizawl FC Academy 3-0 M28 Football Academy
AFC : Ayush dev Chhetri 18'; Lalthanpuia 51', 69'
Competitors for Christ 0 - 5 Kanan FC
KFC : Vanlalpeka 8'; Lalruatsanga 46', 70; V. Zothanpuia 60';
    Lalngilneiha 70
Bawngkawn GSA 2 - 3 Sihphir Venghlun FC
BGSA : Zonunmawia 26'; Lalmmuanawma 36'
SVFC : Malsawmtluanga 50'; Lalmuansanga 62'; Vanlaldinsanga 70
Aizawl Grassroot Centre 2 - 2 Tata Trusts COE
AGC : Francis Vanlaldika 10'; Lalhruaitluanga 37'
COE : Lalruatmawia 23'; Samuel Lawmsiamkima 38'