Cilic hnehtu Djokovic

US Open inbuatsaihna tournament langsar Cincinnati Masters semifinal-ah Novak Djokovic chuan Marin Cilic hnehin final a lut a, Serbian tlangval hi a champion thei a nih chuan mipa player zingah ATP Masters 1,000 tournament pakua a hlawhtling kim thei hmasa ber a ni ang.

Inrinni zan semifinal inkhelah Djokovic hian 6-4, 3-6, 6-3 in hnehna a chang, nizan khan Cincinnati Masters vawi sarih champion tawh Roger Federer nen nomawi an inchuh zui a, he thu buatsaih lai hian result kan hre hman lo - Swiss star tan tennis a khelh hun chhunga final vawi 150 a khelhna chiah a ni.

Kum 37 mi Federer hian semifinal-ah David Goffin a hmachhawn, Belgium tangval Goffin hi 7-6 (7-3), 1-1 a nih laiin a dar na vangin a inkhel zui thei lo a, inkhelh hah lutuk ngai loin Federer a tlang.