Euro 2020 khel tur a hriat kim

Covid-19 avangin 2020 UEFA European Football Championship chu kuminah neih theih a ni dawn lo a, nakkumah neih tur ni mah se Euro 2020 hming a pu chhunzawm dawn.

Inelna hi UEFA hnuaia ram 12-a khawpui hrang hrang 12-ah khelh a ni dawn. Chung khawpui te chu - London (England), Munich (Germany), Rome (Italy), Baku (Azerbaijan), Saint Petersburg (Russia), Budapest (Hungary), Bucharest (Romania), Amsterdam (Netherlands), Bilbao (Spain), Glasgow (Scotland), Dublin (Rep of Ireland) leh Copenhagen (Denmark) te an ni.

Euro 2020 hi June 11 - July 11, 2020 chhunga khelh tur a ni a, team 24 chu group parukah ṭhen hran a ni. Group tin aṭangin a sang pahnihin (12) last 16 an lut ang a, pathumna paruk zinga ti ṭha pathumin second round hi an lut ve bawk ang.

Semifinal match hnih leh final hi Wembley Stadium, England-ah khelh a ni dawn. Gareth Southgate-a hote hi Croatia, Scotland leh Czech Republic te nen group khatah an awmho. Three Lions-in Euro C'ship-a an thlen san ber chu kum 1996-a an rama inelna neih ṭuma semifinal an thlen ṭum kha a ni.