School naupang tan TT

Mizoram Table Tennis Association (MTTA) chuan tualchhunga TT-in hma a sawn theih nan naupang zawkte hnenah zirtirna an kalpui a, hemi atan hian school hrang hrangah TT Board bakah coaching an pe dawn - August 18 khan Divine Intervention School chu inremna an neih pui; MTTA president C. Lalrinzuala leh school principal R. Zochhawna ten hming an ziak a ni.

Thawhhona thuthlung angin MTTA chuan school-ah hian Table Tennis board thar an hun sak nghal a, naupang tan coaching an la buatsaihsak dawn bakah coaching atan TT ball leh bat an ngaihtuahsak leh bawk ang. Hetiang hian school dang pawh thawhpui tura hmalak a ni dawn.

MTTA hian nikum aṭangin tualchhung nau­pang tan Intensive Coaching Programme (ICP) a kalpui a, ICP hi Serchhip, Kolasib leh Lungleiahte kalpui mek a ni a, Aizawl district-ah pawh September thla aṭang hian veng hrang hrangah Table Tennis coaching programme hi kalpui turin an inbuatsaih mek.