India tan medal hmasa ber

18th Asian Games neih mekah India chuan nimin khan a medal hma­sa ber a hlawh chhuak. Ravi Kumar leh Apurvi Chandela te chuan 10m mixed air rifle huangah bronze medal an kap chhuak a ni.

Kumar leh Chandela te hian point 429.9 hmuin pathumna an ni a, point 494.1 hmua record siamtu Chinese Taipei leh China (492.5 points) te an phak lo.

World Cup bronze me­dallist Kumar hi Abhinav Bindra kaihhruai a ni a, Asian Games hmasa khan men’s 10m rifle team-ah bronze a la tawh. Chandela erawh he inelna lianah hian a inlan vawi khatna a ni.