NorthEast United coach Eelco

Indian Super League club NorthEast United chuan season thar atan Eelco Schattorie chu an coach a nih tur thu an puang a, Dutch manager hian season hmasa khan High­landers-ah hian assistant coach hna a lo chelh tawh.

Kum 46 mi coach hian kum 2015 khan East Bengal a lo enkawl tawh avangin Indian football-ah tawnhriat a nei ṭha sa a, middle east leh Africa lamah club hrang hrang enkawlin a hun a lo hmang tawh bawk.

Hetihlai hian Chelsea boss hlui Avram Grant chuan NorthEast United-ah hian advisor hna a chelh chhunzawm dawn bawk. Israeli coach hi Blues bakah Portsmouth, West Ham leh Ghana lo enkawl tawh a nih avangin a tawnhriat hi Guwahati club tan a ṭangkai ang.