Lampard a lawm lo

Chelsea manager Frank Lampard chuan West Ham an hneh loh avangin inkhelh banah a lawm loh thu a sawi a, an chesual leh ṭhin avanga Champions League hmunruak inchuh zinga tel an nih thu a sawi. 

English manager chuan, "Ball kan chang tam zawk a, mahse kan tihsual kan tuar. Goal hnih kan khung chungin kan chak zo lo a, kan goal chhuah danah ka lawm lo vek a, kha aia ti ṭha tur chu kan ni," tiin tlarhnung siam ṭhat a ṭul thu a sawi.

Lampard chuan sawi chhunzawmin, "Kan tihsual leh ṭhin avangin pakhatna emaw pahnihna emaw chuh pha loin palina zinga tel kan tum pha ṭawk. Kan result-ah lawm lo mah ila Manchester United aiin point hnihin kan hmu tam zawk a, anni hi tun hnaiah an che ṭha hle. Hemi a nih avangin inkhel pawimawhah chetsual a thiang tawh lo a, team angin tun aia kan ngelngheh a ṭul a ni," tiin a sawi.

Chelsea ang bawka chak lo Leicester boss Brendan Rodgers chuan, "Bul kan ṭan ṭha lo a, kan penalty chawi dan a lungawi thlak loh bawk. Kan result ṭha loah mawh ka phur a, insiamṭha turin hma kan la ang. Kan kutah engkim a la awm a, tun Inrinniah chuan kan chak ngei a ṭul tawh ang," tiin a sawi ve bawk.