Siami telna India chak chiang

Mizo nula Lalremsiami Hmar chuan Indonesia lakah goal khat khungin India hi 8-0 in hnehna a chanpui a, world number 9 India nula ten 2018 Asian Games hmeichhe hockey huangah bul an ṭan fuh hle.

India hi Pool B-ah awmin, Pathianni zan khan an match hmasa berah Gurjit Kaur chuan hattrick (16', 22', 57') siamin, ani bakah hian Vandana Katariya (13', 27'), Udita (6') Lalremsiami (24') leh Navneet Kaur (50') ten goal khat ṭheuh an khung bawk.

Kolasib nula Siami chuan, "Asian Games-a goal khung chu a ropui khawp mai, Pathian vang chauh a ni e," tiin Vanglaini a hrilh. Siami hian World Cup-ah India tan goal a lo khung tawh bawk.

Asian Games 2018-ah hian India hi ranking sang ber (9th) an ni a, hei vang hian 2014 Asian Games bronze medalist hian gold beiseina an nei sang - mipa leh hmeichhia hi pool hnihah ve ve ṭhen an ni a, an inkhelh kual hnuah a ti ṭha paliin semifinal an khel ang.

India Hmeichhe Result and Fixtures
August 19, Pathianni
India 8 - 0 Indonesia
August 21, Thawhlehni
India 6:30 PM Kazakhstan
August 25, Inrinni
India 6:30 PM South Korea
August 27, ThawhṬanni
India 12:30 PM Thailand
India Mipa Fixtures
August 20, ThawhṬanni
India 6:30 PM Indonesia
August 22, Nilaini
India 12:30 PM Hong Kong
August 24, Inrinni
India 6:30 PM Japan
August 26, Inrinni
India 4:30 PM South Korea
August 28, Thawhlehni
India 2:30 PM Sri Lanka