Extra time-ah Slovakia an vannei

Windsor Park-ah Northern Ireland-in Ningani zan khan Slo-vakia an mikhual a, hun pangngaiah 1-1 a an inhnehtawk hnuin extra time-ah Slovakia-in hnehna an chang. 

Slovakia-in inkhel an thunun hret a, minute 17-naa Juraj Kucka goal hmangin hma an hruai. Minute 87-naah Slovakia defender chhuanvawr Milan Skriniar-a'n an lamah a ti lut a, Northern Ireland-in siphurh an sut.

Extra time minute 110-naah subsitute Michal Duris-a'n defender vengtu a nei chungin hmunruak a hmu fuh a, box chhung aṭangin goal kil takah petin chakna goal a ni zui bawk.

Goal khungtu Duris chuan, "Ka goal khung tawh a, pawimawh ber a ni. Fans tan ka hlan e," tiin inkhelh banah a sawi. Northern Ireland manager Ian Baraclough chuan, "Result ṭha a ni lo. Ka nauten an theihna zawng zawng an chhuah a, a bak beisei tur a awm tawh lo. 

"Amaherawhchu kan chak loh avangin hun rei tak chu kan rilru a hrehawm ang," tiin hun ṭha an bawhpelh pawi a tih thu a sawi.