Masters 1,000 la kim thei Djokovic

Novak Djokovic chu mipa tennis player zingah Masters 1,000 tournament pakua a champion kim thei hmasa ber a ni. Pathianni zan khan Serbian tlangval hian Roger Federer hnehin Cincinnati Masters title a la.

World number 1 hlui pahnih inkhelah Djokovic hian 6-4, 6-4 in hnehna a chang. Kum 31 mi Djokovic-a'n Cincinnati Masters final a khelh hnuhnung pathumah Swiss star hi a ngam lo vek, tun ṭumah erawh Wimbledon champion a dingchang.

Grand Slam vawi 13 champion tawh Djokovic chuan, "Hun hlimawm leh duhawm bik a ni, Cincinnati-ah hian champion nomawi ka vawi khat chawina a ni, a ropui danglam bik hle," a ti. Cincinnati-ah hian final a khelh hmasa pangaah a chak lo vek a ni.

Tennis season kal laiah Grand Slam pakhat chiah khelh tur an nei tawh a, Cincinnati Masters hi US Open inbuatsaihna a ni. Tennis tournament zinga sum tamna ber hi August 27 aṭangin Flushing Meadows-ah khelh a ni ang.