Darren Bent tan khelh dan a zira hlawh lak!

Tottenham Hotspur player manto ber lo ni tawh Darren Bent chuan a hmaa contract inchhawp a pawm dawn a nih chuan a khelh dan a zirin hlawh a la tawh dawn!

League One club Burton Albion chuan Darren Bent hi 'khelh dan a zira hlawh la' tura contract an zawrh tur thu an sawi a, Albion coach Nigel Clough chuan, "Media lam hna a thawk kawp thei ang a, a changin keini tan a khel thung ang a," tiin a sawi.

England tan vawi 13 inlana goal li khungtu striker hian 2017-18 season chawhnu lam kha Burton-ah hian loan-in a hun a hmang a, season tawp rualin Derby County chuan an chhuah zalen bawk.

Ipswich Town aṭanga hming chhertu striker hian Charlton Athletic-ah season hnih chhunga goal 37 a khung hnuah kum 2007 khan Spurs chu pound maktaduai 16.5-in a zawm a, season hnihah match 79 khela goal 25 a khung hnuah Sunderland a pan.

Black Cats-a pan kum hian top flight football-a a chet ṭhat ber ṭum tawngin league match 38 a khelhah goal 24 ngawt a khung sak a ni. Season hnih hnuah Sunderland chhuahsan lehin Aston Villa, Fulham, Brighton & Hove Albion leh Derby County-ah te hun a hmang leh a ni.