JR Smith-a'n Lakers a zawm

Free agent guard JR Smith chuan Cleveland Cavaliers tana a khelhpui ṭhin LeBron James nena khel dun turin LA Lakers a zawm a, tun season khelh hmabaka inlan turin inremna an siam.

Kum 34 mi Smith leh kum 35 mi James hian kum 2016 khan Cavaliers an champion pui a, Lakers tan an inlan dun leh dawn. Lakers hian July 7 aṭangin training turin Orlando an pan ang a, inelna hi July 30 aṭangin Disney World-ah an khel ang.

Lakers coach Frank Vogel chuan, "JR Smith hi player ṭha tih hriat sa a ni a, match pawimawha chhawr ngam tur a ni," tiin an player thar chungchang a sawi. Smith hi November 2018-a Cavaliers a chhuahsan hnuah NBA-ah a la inlan leh lo a, season tluana a khelh hnuhnun ber chu  2017-18 kha niin NBA finals-ah LeBron James te nen Golden State Warriors an hneh lo.