UEFA Player of the Year ; A sang pathum zingah Messi a tel lo!
Europe-a football thuneitu sang ber UEFA chuan season hman zawh taka Europe-a inlan player ṭha zual a thlang chhuak leh ta a, a sang pathum zingah Lionel Messi a tel lo!
Liverpool aṭangin Mohamed Salah a lang a, Real Madrid midfielder Luka Modric leh Juventus forward thar Cristiano Ronaldo te an lang bawk - Ronaldo hi a sang pathum zinga a lan chhan erawh Real tana a khelh ṭhat vang a ni.
Hmeichhe lamah pawh pakhatna dinhmun luah thei tur hming pathum chhawpchhuah a ni a, Wolfsburg striker Pernille Harder leh Lyon tana khel pahnih Ada Hegerberg leh Amandine Henry te an tel bawk.
Europe-a player ṭha ber hi UEFA hnuaia inelna Champions League (32) leh Europa League (48)-a inlan club 80 aiawh coach ten vote hmangin an thlang a, UEFA hnuaia ram 55 aṭangin journalist thlan bik pakhat ṭheuhin vote an nei bawk - coach te chu an club ami player an vote phal a ni lo.
Player pathum chu!
Modric-a'n World Cup khelh zawh takah Croatia chu final a luhpui a, Champions League-ah Real Madrid a champion pui bawk. World Cup-ah best player-ah thlan a ni a, Real leh Croatia tana a thawhhlawkna hmuh hmaih chi a ni lo.
Season hmasaah Real tan Ronaldo a ropui hle - Cahmpions League nomawi an chawina kawngah match 13 khelin goal 15 a khung a, assist vawi thum a nei. League-ah champion zo lo mah se match 27 khelin goal 26 a khung tho.
Season hmasaah mipui mak tih khawpin Mohamed Salah a rawn vul a, top three-a a lang phak hi thil mak a ni lo - Champions League-ah Liverpool chu final hruai thlengin match 13-ah goal 10 a khung a, assist vawi nga a nei. Premier League-ah match 36 khelin goal 32 a khung a, record thar a siam nual!
Top ten a lang player dang
# Hming Pts
4 Antoine Griezmann (Atlético & France) 72 points
5 Lionel Messi (Barcelona & Argentina) 55 points
6 Kylian Mbappé (Paris & France) 43 points
7 Kevin De Bruyne (Manchester City & Belgium) 28 points
8 Raphaël Varane (Real Madrid & France) 23 points
9 Eden Hazard (Chelsea & Belgium) 15 points
10 Sergio Ramos(Real Madrid & Spain) 12 points
Award dang dawng thei dinhmuna ding te
Goalkeeper of the Season Alisson Becker, Gianluigi Buffon, Keylor Navas
Defender of the Season Marcelo, Sergio Ramos, Raphael Varane
Midfielder of the Season Kevin De Bruyne, Toni Kroos, Luka Modric
Forward of the Season Lionel Messi, Cristiano Ronaldo, Mohamed Salah
Women's Player of the Year Pernille Harder, Ada Hegerberg, Amandine Henry
Europa League Player of the Season Diego Godin, Antoine Griezmann, Dimitri Payet