Sub Junior Football C'ship Arunachal-in Assam hneh

National Sub Junior Football Championship 2018 (North East Zone Qualifying Round)-ah nimin khan Arunachal Pradesh-in Assam 4-0 in an hneh.

Kolasib-a inkhelah hian Arunachal tan hian Promod Subba, Khumanthem Biken, Chapamayum Ratanbi Singh leh Pravin Dorjee ten goal khat ṭheuh an khung.

Group B-ah Arunachal Pradesh, Assam leh Manipur te an awm a, group khat aṭangin pakhat chauhin final round an luh dawn avangin August 23-a Manipur leh Arunachal te inkhel a pawimawh ang.

Vawiin hian Group A inkhel an chhunzawm dawn a, Tripura leh Meghalaya te an inkhel ang. Inelna thlengtu Mizoram chuan August 24 hian Meghalaya nen match hnuhnung ber an khel dawn.

Results leh Fixtures
Nimin Inkhel Result - Group B
Assam 0 - 4 Arunachal Pradesh
AP : Promod Subba 3'; Khumanthem Biken 23';
   Chapamayum Ratanbi Singh 41'; Pravin Dorjee 87'
Vawiin Inkhel Tur - Group A
Tripura 2:30 PM Meghalaya
August 23, Ningani - Group B
Manipur 2:30 PM Arunachal Pradesh
August 24, Zirtawpni - Group A
Meghalaya 2:30 PM Mizoram
August 25, Inrinni - Group B
Manipur 2:30 PM Assam