Mizoram-in Delhi hneh

National Girls Football Championship-ah nimin zing khan Mizoram chuan Delhi 2-1 in an hneh. Inelna hi Goa-ah neih a ni a, Mizoram hi Delhi leh Rajasthan nen group khatah an awm.

Nimin inkhelah first half-ah goal a lut lo, second half ṭan chiahah Delhi-in an khung nghal. Mizoramin minute 48-naah Salem Veng tleirawl Grace Lalrampari hmangin an chhanglet a, minute 89-naah Ramthar Veng nula Ruthy Lalrinmawii'n chakna goal a khung.

Group H-a team pahnih dang Delhi leh Rajasthan te naktuk hian an inkhel ang a, Mizoramin August 25 hian group match hnuhnung berah Rajasthan nen an inhmachhawn dawn.

Team pathum hi vawi khat ṭheuh an inkhel kual ang a, a sang berin quarterfinal an lut ang.