Ricciardo thlak tur Pierre Gasly
French driver Pierre Gasly chuan season thar aṭangin Daniel Ricciardo hmun ruak luahin Formula 1 team Red Bull car a khalh ang - Red Bull hian an driver thar atan Gasly an tih chian thu hi thuchhuah siamin an puang tawh a ni.
Kum 22 mi Gasly hian Red Bull junior team Toro Rosso tan a theihna a lantir tawh ṭhin a, season thar aṭang chuan senior team-ah Max Verstappen nen an inkawp ang. An kawl lai Ricciardo erawhin season tawp rualin Renault a pan san dawn.
Gasly chuan, "Ka tan chuan khawvela a ṭha berte nena inelna hun a inher chhuak hi a lawmawm, ka thil tum ni ṭhin car intlansiak sang bera hnehna chan theihna hun a inhawng zau dawn niah ka ngai," a ti.