COE chungah Grassroots, AFC Academy leh CFC

Mizoram Under 15 League round 4 chu nimin khan Rajiv Gandhi Stadium-ah khelh a ni a, team ṭha ber tura ngaih Tata Trusts COE chu Aizawl FC Academy-in minute 27-naa Lalthanpuia goal hmangin 1-0 in an hneh.

British coach Colm Toal-a enkawl COE hian AFC Academy an hneh loh hma hian Aizawl Grassroot Center nen an inhnehtawk avangin palinaah an tla thla.

Aizawl Grassroot Center chuan Sihphir Venghlun FC chu 2-0 in an hneh. MFA enkawl Grassroots hian hneh loh an la tawng lo a, anni bakah hian Chanmari FC-in hneh loh an tawng lo a, amaherawhchu CFC hi nimin khan M28 Football Academy nen an inhnehtawk.

Grassroots-in match liah point 10 hmuin hmahruaitu an ni a, Aizawl FC Academy leh Chanmari FC te dawtin COE chu palinaah an ni.

Inkhel dangah FC Stonzz chuan Kanan FC chu 3-0 in a hneh a, team pahnih hian point ruk ve ve an hmu tawh a. Table hnuai lam inkhelah Bawngkawn FC-in Competitors for Christ chu 3-0 in an hneh a, point thum hlu tak an hlawh chhuak bawk.

Mizoram Under 15 League round 5 hi August 25 hian khelh chhunzawm a ni ang.

Nimin Inkhel Results
Tata Trust COE 0–1 Aizawl FC Academy
AFC : Lalthanpuia 27
Competitors for Christ 0–3 Bawngkawn FC
BFC : Lalmuanawma 41; Isaac Malsawmkima 47; Christopher Lalremruata 48'
Sihphir Venghlun FC 0–2 Aizawl Grassroot Centre
AFC : Lalhruaitluanga 25'; Francis Vanlaldika 65'
Chanmari FC 0–0 M28 Football Academy
Kanan FC 0–3 FC Stonzz, Armed Veng
FCS : J.Lalbiakliana 17, 48; Michael K.Lalhriatpuia 30'
Team Dinhmun
# Team Pld W D L GF GA GD Pts
1 Aizawl Grassroot Center 4 3 1 0 9 2 7 10
2 Aizawl FC Academy 4 3 0 1 6 4 2 9
3 Chanmari FC 4 2 2 0 7 0 7 8
4 TataTrusts COE 4 2 1 1 16 3 13 7
5 Kanan FC 4 2 0 2 8 10 -2 6
6 FC Stonzz, Armed Veng 4 2 0 2 7 7 0 6
7 M28, Republic Veng 4 1 1 2 9 5 4 4
8 Sihphir Venghlun FC 4 1 1 2 4 7 -3 4
9 Bawngkawn GSA 4 1 0 3 6 14 -8 3
10 Competitors for Christ 4 0 0 4 0 20 -20 0