Sub Junior Football C'ship ; Mizoram aia dinhmun ṭha Meghalaya

National Sub Junior Football Championship 2018 (North East Zone Qualifying Round)-ah nimin khan Meghalaya chuan Tripura 16-0 in an sawp.

Group A inkhel hmasa berah Mizoramin Tripura 14-0 in sawp mah se Meghalaya-in goal hniha an khung tam avangin inelna thlengtu aiin an dinhmun a ṭha zawk.

Group A lam...

Kolasib-a inelna neih mekah Tripura an hnufual deuh a, match hnih an khelh aṭangin goal 30 an chhuah. Nimin inkhelah hian Meghalaya player Emboklang Nongkhlaw chuan goal ruk zet a khung a, Samlang Rympei leh Batskhemlang Jyrwa ten hattrick an siam ve ve bawk.

Meghalaya hian goal 16 tehmeuh an khung avangin Zirtawpni tlaia Mizoram an hmachhawn hunah draw a tawk dawn a, inelna thlengtu tan chak ngei a ṭul thung ang.

Group B hi...

Group B-ah Arunachal Pradesh-in team ṭha zawka ngaih Assam chu 4-0 in an hneh. Arunachal hian vawiina Manipur an hneh leh thei a nih chuan match hnuhnung bera Assam leh Manipur inkhelin awmzia a awm tawh lo ang.

Hei vang hian vawiin inkhel tur hi final round lut tur zawnna tiin a sawi theih a, Arunachal Pradesh tan Manipur hneha final round thlen theih hi hlawhtlinna a ni ngei ang.

Results leh Fixtures
Group A
August 20, ThawhṬanni
Mizoram 14–0 Tripura
MIZ : Rohlupuia 28', 42, 50'; Vanmalsawma 37', 39, 43'; Lalfakzuala 52'; Vanlalmuanpuia 54', 83'; Malsawmhlua 64'; C. Lalmuanpuia 67'; Isak Zomuanpuia 85', 86'; Jacob Lalhmangaiha 90+2'
Nimin Inkhel Result
Tripura 0–16 Meghalaya
MEG : Samlang Rympei 7', 37', 43'; Emboklang Nongkhlaw 17', 31', 32', 34', 45', 57'; Batskhemlang Jyrwa 25', 43', 77'; Treimiki Lamurong 41'; Wandajied Kynsai Ryngkhlem 59', 64'; Bakmenglang Kharthangmaw 67'
August 24, Zirtawpni
Meghalaya 2:30 PM Mizoram
Group B
August 21, Thawhlehni
Assam 0–4 Arunachal Pradesh
AP : Promod Subba 3'; Khumanthem Biken 23'; Chapamayum Ratanbi Singh 41'; Pravin Dorjee 87'
Vawiin Inkhel Tur
Manipur 2:30 PM Arunachal Pradesh
August 25, Inrinni
Manipur 2:30 PM Assam