Konta inhnukdawk
US Open khelh hun a hnai a, player tam zawkin chawlh lak an duh. Johanna Konta pawh Connecticut Open-ah inlan mah se, Britain nula hi dam lohna avangin second round khelh hmain a inhnukdawk ve leh ta.
Kum 27 mi Konta hian Germany nula Laura Siegemund hnehin first round a paltlang a, second round-ah Carla Suarez Navarro nena inhmachhawn leh tur a ni. Mahse, August 27 aṭanga khelh tur US Open-ah harsatna nei loa inlan a duh avangin a inlan zui duh ta lo zawk a ni.
Connecticut Open-ah hian world number 1 Simona Halep pawh inlan tur ni mah se a lo inhnukdawk ve tawh bawk a, tennis tournament zinga sum tamna ber US Open-ah erawh player ṭha leh langsar ho chu an inlan kim tura ngaih a ni.