A hunah Indian Open khel thei dawn lo
Kerala tuilian chuan nghawng a nei chho zel, September 18-22 chhunga khelh tur World Snooker Tour event zinga pakhat Indian Open chu a hunah khelh theih a ni dawn lo a, remchan dana zirin a hun siam fel leh a ni ang.
India ram chhim lama tuilian vang hian mi 350 chuang an thi tawh a, mipui nunphung a khaihlak nasa hle. World Professional Billiards and Snooker Association WPBSA chairmain Barry Hearn chuan, "Tunah chuan Kerala mipuite thlawp hun a ni a, infiamna neih a remchang rih lo ang, inelna neih hun tur erawh boruak awm dan a zirin ngaihtuah nawn leh tur a ni," tiin a sawi.