Pune player thar City midfielder hlui

Indian Super League club Pune City chuan English defender Matt Mills an lalut a, Premier League thlenga lo inlan tawh player hian season hmasa thleng khan Championship-ah a la khel a, Pune tan danglamna a thlen thei ang.

Southampton youth system chhuak, kum 32 mi defender hian a khel kual ve nasa tawh hle. Saints bakah hian Manchester City, Doncaster Rovers, Reading, Leicester City, Bolton Wanderers, Nottingham Forest leh Barnsley-ah te a nghetin a khel tawh a, Coventry City, Bournemouth leh Colchester United tan loan-in a khel tawh bawk.

Hetihlai hian Brazilian attacking midfielder Rafael Bastos chuan Mumbai City a zawm ve bawk. Kum 33 mi attacking midfielder hian Portuguese club S.C. Braga leh C.D. Nacional tan a khel tawh a, Romanian club CFR Cluj-ah pawh a khel tawh.

Mumbai City hian coach thar Jorge Costa an nei a, kum 46 mi manager hi Cluj-a enkawl laiin Bastos nen hian an lo thawk dun tawh a, a player hriat chian sa hi England lamah a seng lut ve ta a ni.