Veteran Football a awm dawn

Mizoram Football Asso-ciation hriatpuinain GIG Motors – Veteran Football Tournament 2022 khelh a ni dawn a, kum 40 chung lam footballer ṭha inelna tur a ni.

Inelna hi Mizoram University Ground, Tanhrilah February 8 hian khelh ṭan tur niin final hi RG Stadium-ah February 17-ah khelh a ni ang. Team pakhat tan entry fee hi Rs. 1,000 a ni.

Aizawl khawpui chhung aṭanga team tel turte chu AMC Ward pakhat aṭangin team pakhat tel theih a ni. Aizawl pawn aṭanga tel tur tan MLA Constituency pakhat aṭangin team pakhat zel a tel theih.

Inelna hmachhawn turte chu kum 40 chunglam an ni tur a ni. Playing 11-ah kum 40-45 inkar mi panga (5), kum 45-50 inkar mi pali (4) leh kum 50 chunglam mi pahnih (2) an khel tur a ni.

Champion team hian Rs 1,00,000 an dawng dawn a, panihnain Rs 50,000.

Mimal lawmman best player, top scorer, best goalkeeper, best defender, best midfielder leh best forward te a awm dawn. Inkhelh apianga chak lo zawk hnenah Rs 2000 hlan a ni ang.

Veteran Football
• Entry Fee : Rs 1,000

• Y2Goal Agencies, Chanmari leh Chawngthu Sports-ah February 3 hmain pek tur a ni.

• Ari Benjamin – (7005482993),
Hmingthansanga – (9436146386), Nelson Vanlalhriata (9774573827)